التطـــــــــور الطبيــــــــــــعى للرجل

بحبك
بعد 6 اسابيع : بحبك بحبك بحبك ... بحبك
بعد 6 شهور : اكيد بحبك
بعد 6 سنين : ياساااااااتر ! يعنى لو مش بحبك كنت هاتجوزك ليه انتى غاوية نكد وخلاص؟؟؟


بعد الشغل
بعد 6 اسابيع : حبيبتي انا جيت من الشغل
بعد 6 شهور : انا رجعت
بعد 6 سنين : فين الاكل يا هاااانم ؟؟


جرس التليفون
بعد 6 اسابيع : حبيبتي فى حد عايزك على التليفون
بعد 6 شهور : التليفون دة ليكى
بعد 6 سنين : ماتردى ردت المية فى زورك ! انا عندى صداع


وقت الغدا
بعد 6 اسابيع : ماكنتش اعرف ان نفسك حلو فى الأكل اوى كدة
بعد 6 شهور : عاملة ايه النهاردة
بعد 6 سنين : هو كل يوم بامية ولا ايه ؟


لما تشترى فستان جديد
بعد 6 اسابيع : مبروك ياحبيبتي , هياكل منك حتة
بعد 6 شهور : انتى جبتى فستان جديد تانى ؟
بعد 6 سنين : ممممم وبكام ده إن شاء الله .. هو كل شوية فستان احنا هنفتح معرض ؟


لما يتفرجوا على فيلم
بعد 6 اسابيع : تحبي نشوف فيلم ايه ؟
بعد 6 شهور : ماتقلبيش المحطة انا عايز الماتش
بعد 6 سنين : انا رايح السينما , نامى انتى بقى ولما هرجع هحكيهولك

لما تعزم اصحابها
بعد 6 اسابيع : وماله اهلا بيهم فى اى وقت
بعد 6 شهور : انتى كل اسبوعين هاتعزميلنا حد ؟
بعد 6 سنين : يوووووه دة مابقاش بيت !!


لما يروحو السوبر ماركت
بعد 6 اسابيع : تحبي تروحى انهى سوبر ماركت يا حياتى
بعد 6 شهور : وماله عم انور البقال ؟
بعد 6 سنين : انتى بتودى الاكل فين !؟؟

لما ييجى عيد ميلادها
بعد 6 اسابيع : معلش كان نفسي اجيبهولك الماظ
بعد 6 شهور : خدى 50 جنيه ظبطى نفسك وهاتى اللى انتى عايزاه
بعد 6 سنين : مش عيد ميلادك كان السنة اللى فاتت هوكل سنة ولا ايه !؟

فى العيد
بعد 6 اسابيع : حبيبتي الكحك والبسكوت برة على السفرة
بعد 6 شهور : مش واجب بقي مامتك تجيب لنا الكحك
بعد 6 سنين : مش لازم كحك السنة دى .. انتى تخنتى اوى

وهى رايحة للدكتور
بعد 6 اسابيع : حبيبتي قوليلى قبلها عشان اعمل حسابي فى الشغل
بعد 6 شهور : خدى مامتك ولا حد من صحابك
بعد 6 سنين : دكتور دكتوووووووور .. مانتى زى البمب اهو

المولود الاول : زى القمر .... شبهك
المولود التانى : شبه اخوه
المولود التالت : ياريت تخللى بالك المرة الجايه

هههههههههههههههه اية حلو دة