كلمة لكل قلب تعبان

سالت كتير نفسى سايبنى ليه يايسوع
وازاى تسمح ليأسى يسكن بين الضلوع
وازاى اكون انا ليك وقلبى انا موجوع
تجارب العالم كويتنى بنارها يايسوع
مشتاق اشوف انا ايدك ترشدنى للرجوع
ياابويا انا مستنى بصرخه قلب الموجوع
ودموعى بقيت علامة لضعفى يايسوع
امسح لى دمع عيونى واروينى من الينبوع
من غيرك انا تايه فى طريق من غير رجوع
يارب ليه تسيبنى دا انا ابنك وقلبى موجوع
وظنيت بانى وحدى وفضلت انادى ربى
وفاجأه جانى صوت وقالى مالك خايف يابنى
وبكيت بحرقه قلبى هو انت فاكرنى ياربى
انا واقف هنا جنبك من قبل ماتنده يابنى
خوفك ده عدم ايمان وتعبك مالوش مكان
دا انت فى قلبى مهما طال الزمان
دا انا سمحت لك بالتجربه وطلعت غلبان
تبكى وتقول انا سيبتك بقى دا اسمه كلام ياانسان
اسيب ابنى يدور فى طواحين المكان
دا انا سميتك ابنى ودعيتك ليا ياانسان
وكرمتك واديتك نعمه تقوى الابدان
خليك فاكر يابنى لو دورت فى اى مكان
ماتلاقى قلب يضمك غير قلب ابوك الحنان
ولو هاجت الدنيا حواليك انا واقف جنبك ياانسان
حياتك ليها عندى خطة اتقبلها بحب وامان
دا انا مت بدالك واتحملت كل الاهوان
واخره تقول انا سيبتك عيب عليك ياانسان

من ابوك الحبيب ........
كلمة لكل قلب تعبان