خواطر قلب

خواطر قلب


يا ناس يالى هناك يالى مش سمعة صراخى
تاية ووحيد ومش لاقى حد يلقانى
فى البحر و انا عطشان من قسوة احبائى
فى نهار ببقى حزين من صرامة اصدقائى
يا ليل طول و كتير زود سعاتك و ما تجرى
اصلى بحبك و انت مخلنى بعيد وعن عيون الناس مخبى
فى الفرح و عيونى حزينة بلاقى جنبى حبيبى
فى الحزن و عيونى اليمة ملقيش جنبى حتى المواويل
يا قلب مجروح من صاحب يا قلب حزين ووحيد
اهرب من دنيا ما تلاقى فيها لا حبيب و لا قريب
صامت انت يا قلب كتير تسمع همسات حبيبك تقطع فيك
صامت سامع قلبك يصرخ مش لاقى حد يحس بيك
يا قلب مركب ووحيد فى بحر مياة غويط و بعيد
بحرك دمعك قلبك دفك
رياح الزمن و القدر ما ترحم وسط ظلام الكحل مخيم
مش عارف ترسوا على شاطىء احلامك و شاطىء مستقبلك ما تهدى
يا قلب حزين ووحيد مفيش ليك حتى صديق