انا كرهتك يا نفسى

كل ما اقعد لوحدى واتامل فيكى يا نفسى الاقيكى مليانة عيوب

كل ما افكر فى فاديا واطلب يخلصنى من الخطية الاقيكى بتحبطى فيا

كل ما تخلص من واحدة واتشجع واقول هكمل الاقيكى بتعندى فيا

كل ما ابليس يغلبنى واسقط ولا حد ينجدنى الاقيكى بتفرحى فيا

كل ما اقول هتقدم وهرجع لالهى واخدم الاقيكى بتأخرى فيا

كل ما اصرخ يا يسوع ساعدنى وامسح اى دموع الاقيكى بتصدى فيا

كل ما اتأخر واعيش فى الخطية ومش شايف غير ابليس قدام عينيا الاقيكى بتساندى فيا

كل ما ايامى بتعدى وخطيتى بتزيد الاقيكى بتلومى فيا

واقول انتى السبب انتى اللى حطمتى ارادتى الاقيكى بتضحكى عليا

خلاص كله انتهى وقعت فى اللا منتهى

وانتى السبب يا نفسى ...... انا كرهتك يا نفسى

وفى وسط خطاياى وتعبى الاقى شخص واقف جنبى

ايده ممدودة ليا وبيبص عليا ويقولى تعالى ليا

عندى الراحة والخير ........ عندى الحب والحنان

انا حبيتك زمان ولسة حبى ليك زى ما كان

وبسرعة اجرى عليه واترمى فى حضنه واحس بالامان
لكن عمرى ما هنسى ان انتى السبب يا نفسى

انا كرهتك يا نفسى