اللى يحب حد يعمل الصعب عشان حبيبه قصة بجد مستهلة انك تقراها

حكاية بجد ملهاش حل

بجد تحفــــــــــــــــــــــــــة وهتخسر جدا لو ماقرأتهاش
وياريت الكل يستفاد من هذه القصة !

.
.
.
.

كــان بينهـم " قصة " هى أعتقدت إنها "حب"
..
من غيـر أى كلمة تغضب الرب

وجـه لحـد عندها وقدام أهلهـا

بس شاءت الظروف وإللى أبتدوه مكملش

قالهـا مستحيل وحكايتنا للى حوالينا مش خير ,,~

هو أستسلم وهى لربها سلمت أمرها

بس مقدرتش تنساه وأحتفظت بيه فى قلبها

وفضلت تدعى ربها إنة يحـافـظ علـية

وهــو ,,,~!

وصلها من مجهول عايش حب جديد وسعيد وقريب

هيبقى عريس ..؛

وفى يوم رن تليفونها ..

هــو بنفسه بيكلمها :~

بعد إذنك عايز أشوفك وأكلمك أطمن إنك مسامحانى

وإنك لربى مش شاكيانى ,,.

أستأذنت أمها رغم رفضها,,

أرجوكى يا أمى أسمحيلى ,,

رفض أمها مش عدم ثقة فى بنتها واللى حبيته بنتها ..

خايفة يزيد الألم فى قلبها

وكان اللقاء فى مكان عام على البحر تمام وقدام الناس

بعد السؤال عن الاهل والحال

قالها ,.سامحينى تعبتك وجرحتك وقدام الناس ظلمتك

وكـ " أنى بيعتك "

بس حكايتنا كانت مشاكلها كتير واننا نكمل مستحيل

كتمت فى نفسها وبسرعة مسحت دمعة على خدها

وفى وشه أبتسمت وردت

" لتكن مشيئتك يارب "

ومن غير ما يبص فى وشها قالها

بصراحة نويت ألبس دبلة فى اليمين و ...

لسه هيكمل ويحاول يبرر ,,.!

بأيديهـا صـدت كـلامه ونار بتحرق قلبها

وبصوت مخنـوق ردت

,, مش محتاج تفسر ولا حتى تبرر ,,ربنا يسعدك وبيها يفرحك,.

كتمت غيظها وحسرتها على قلبـها ,, ممكن أستأذنك أمشى

اطمن انا معرفش ما اسامحكش عيش واتهنى بعد إذنك..

قالها أستنى مش عايزة تعرفى هى مين وعرفتها فين.!

قالت له ميهمنيش المهم انك اخترتها ,,

قالها على فكرة تعرفيها,,

قالتله وانا معرفش حد وحش ربنا يبارك لك فيها

نفسها تقوم وتجرى بس الالم ثبتها

بصت للبحر حبيبها وصديقها ومن عينها بيفهمها

كأنها بتحكيله عن جرحها وعن حبها اللى ملهوش تمن

أ استجمعت شجاعتها وأتحملت ألمها , ولسه هتقوم,,

لقيتة بيقولها وفى ايده علبة قطيفة صغيرة

احنا من الان اخوات وعايز أختى تشاركنى فرحتى

وعشان كده هوريلك دبلتى ودبلة خطيبتى

كأن سكينة طعنت قلبها وهو فى ايده دبلة العروسة

وبيمدها ليها ويقولها أتفرجى عليها...

لحظة فارق فيها الاحساس قلبها ولحظة اختبار لصدق حبها وطيبة قلبها

اخدتها منه و أول مابصت قالت فى نفسها اشوف اسمه والتاريخ الجديد لحبه

وكانت مفأجأة

ملقيتش على الدبلة لأسمه ولا تاريخ

رن تليفونها فى نفس اللحظة بـ رساله ..

رسالة .. "منه"

فيها اسمه وجمب الإسم ..

" خطيبتى وعدتنى بنفسها هتحفر اسمى زى ما فى قلبها وعقلها حفرته .."

دموعها بقيت زى حبات ندى بتنور وشها وضحكة قلبها سمعت موج البحر حولها

ولولا حيائها كانت قدام الناس ضمته ..~

الحقيقه ان ..
هى اللى فى يوم وعدته إنها بنفسها هتحفر إسمه

وبسرعة مسكت دبلته لقيت إسمها وتاريخ أول يوم عرف فيه قلبها

لسه هتنطق وتتكلم لقيت من وراها حد بيضمها وبـ مبرررروك بيفرح قلبها

ده أخوها إللى مع حبيبها عليها متفق

نطق حبيبها وقالها قـدام أخوكى أنا عمرى ما أفرط فيكى

بس كان لازم أبعد عشان من تانى اجى بالشكل اللى يرضيكى

حبى ليكى عمره مايضيع

"ربنا يباركلى فـــيكى"

~
خلصت الحكاية بس دى مش نهاية دى بداية حب

حب يتحدى اى ظروف

هى نقية ومخلصة وصادقة اتمنيت الفرح لحبيبها حتى لو التمن موتها

هو وفى وصادق اتقى ربنا وفضل يبعد عنها عشان كان فاكر انه خير ليها بعده

بس ما استسلمش وعشانها وعشان حبها بدأ يعمل الصعب

"اللى عايز حاجة بيعملها طول مافى للكون رب"